Nagpur NPL Football-2011

16 Nov 2011

एनपीएल गुण तालिका

गट-1

गट-2

वात्सल्य रायडर्स 1 1 0 0 3 3 1 ताजश्री इंडियन्स 1 1 0 0 3 2 1 रायसोनी अचिव्हर्स 1 0 0 1 1 1 1 मेघे युनायटेड 2 0 1 1 1 2 4 गुप्ता टायगर्स 1 0 1 0 0 1 2 संघ सामने विजय पराभव अनिर्णीत गुण गोल केले गोल झाले सुनील वॉरियर्स 2 1 0 1 4 2 0 टीम ग्रेस 1 1 0 0 3 2 1 अभिजित लायन्स 2 0 0 2 2 2 2 बैद्यनाथ हिरोज 1 0 0 1 1 2 2 सात्त्विक बुल्स 2 0 2 0 0 1 4 संघ सामने विजय पराभव अनिर्णीत गुण गोल केले गोल झाले

मेघे युनायटेडसाठी 'करा अथवा मरा'

सामन्याची वेळ सायंकाळी ५.३0 पासून

सामन्याची वेळ

नागपूर। दि. १६ (क्रीडा प्रतिनिधी) नागपूर प्रीमिअर लीग (एनपीएल) फुटबॉल स्पर्धेच्या दुसर्‍या पर्वात कामगिरीत सातत्य राखण्यात अपयशी ठरलेल्या समीर मेघे यांच्या मालकीच्या मेघे युनायटेड संघाला मनोधैर्य उंचावलेल्या ताजश्री इंडियन्सच्या आव्हानाला सामोरे जावे लागणार आहे. यशवंत स्टेडियममध्ये गुरुवारी उभय संघांदरम्यान लढत होणार आहे. मेघे युनायटेडला बाद फेरी गाठण्याच्या आशा कायम राखण्यासाठी या लढतीत विजय मिळवणे आवश्यक आहे. मेघे युनायटेडला मंगळवारी खेळल्या गेलेल्या लढतीत वात्सल्य रायडर्सकडून ३-१ ने पराभव स्वीकारावा लागला. मेघे युनायटेड संघापुढे बाद फेरी गाठण्यासाठी आता 'करा अथवा मरा' अशी स्थिती आहे. ताजश्री इंडियन्सविरुद्ध त्यांना पराभव स्वीकारावा लागला तर त्यांच्या बाद फेरी गाठण्याच्या आशा संपुष्टात येतील. याउलट ताजश्री इंडियन्सने मंगळवारी गुप्ता टायगर्सविरुद्ध २-१ ने विजय मिळवत क्षमता सिद्ध केली आहे. गुप्ता टायगर्सविरुद्धच्या विजयात ताजश्री इंडियन्सतर्फे ओझर व अमोल यादव यांची कामगिरी उल्लेखनीय ठरली होती. उद्या मेघे युनायटेडविरुद्धच्या लढतीतही ताजश्री इंडियन्सला या दोन्ही खेळाडूंकडून चमकदार कामगिरीची आशा आहे. भक्कम बचाव ताजश्री इंडियन्ससाठी जमेची बाजू आहे. याउलट, मेघे युनायटेड कामगिरीत सातत्य राखण्यात संघर्ष करीत असल्याचे चित्र आहे. पहिल्या दोन सामन्यानंतर मेघे युनायटेडच्या खात्यावर केवळ एका गुणांची नोंद आहे. सलामी लढतीत मेघे युनायटेड संघाने रायसोनी अचिव्हर्सला बरोबरीत रोखण्यात यश मिळवले होते. मंगळवारी मात्र मेघे युनायटेड संघाला वात्सल्य रायडर्सविरुद्ध पराभव स्वीकारावा लागला. या लढतीत सुरुवातीला आक्रमक खेळ करणार्‍या मेघे युनायटेड संघाचा मध्यंतरानंतर कामगिरीत सातत्य राखण्यात अपयश आले. अनुभवी व युवा खेळाडूंच्या समावेशामुळे तुल्यबळ झालेल्या मेघे युनायटेड संघाला प्रत्यक्ष मैदानावर मात्र त्या दर्जाचा कामगिरी करता आलेली नाही. 'करा अथवा मरा' अशी स्थिती असलेल्या उद्याच्या लढतीत मेघे युनायटेड संघाची कामगिरी कशी होती याची उत्सुकता आहे.

वात्सल्यपुढे टायगर्सचे आव्हान

सामन्याची वेळ रात्री ८ वाजेपासून

नागपूर। दि. १६ (क्रीडा प्रतिनिधी) मेघे युनायटेड संघाचा पराभव केल्यामुळे मनोधैर्य उंचावलेल्या वात्सल्य रायडर्स संघाला लोकमततर्फे आयोजित नागपूर प्रीमिअर लीग (एनपीएल) फुटबॉल स्पर्धेच्या दुसर्‍या पर्वात गुरुवारी गुप्ता टायगर्सच्या आव्हानाला सामोरे जावे लागणार आहे. मंगळवारी खेळल्या गेलेल्या लढतीत प्रफुल्ल गाडगे यांच्या मालकीच्या वात्सल्य रायडर्सने मेघे युनायटेडचा ३-१ गोलने पराभव केला. वात्सल्य रायडर्स संघ गुरुवारी खेळल्या जाणार्‍या लढतीत कामगिरीत सातत्य राखण्यास उत्सुक आहे. वात्सल्य रायडर्स संघाला व्यावसायिक खेळाडू यासिनकडून (जम्मू-काश्मीर) चमकदार कामगिरीची आशा आहे. यासिनसह राहुल बांते, स्टिव्हन मचाडो आणि झाहिद अन्सारी यांच्या कामगिरीवर वात्सल्य संघाची भिस्त अवलंबून आहे. विदेशी खेळाडूंचा समावेश नसलेला वात्सल्य हा या स्पर्धेतील एकमेव संघ आहे. दुसर्‍या बाजूचा विचार करता चार विदेशी खेळाडूंचा समावेश असलेल्या गुप्ता टायगर्स संघ अद्याप 'कॉम्बिनेशन सेट' करण्यासाठी संघर्ष करीत असल्याचे चित्र आहे. ताळमेळ राखण्यात अपयशी ठरल्यामुळे ताजश्री इंडियन्सविरुद्धच्या लढतीत त्यांना पराभव स्वीकारावा लागला. ताजश्री इंडियन्सविरुद्धच्या लढतीत गुप्ता टायगर्ससाठी काहीच मनाप्रमाणे घडले नाही. समन्वयाचा अभाव त्यांच्या पराभवाचे मुख्य कारण ठरले. वात्सल्य रायडर्सचे प्रशिक्षक श्रीकांत राय म्हणाले 'मेघे युनायटेडविरुद्धच्या लढतीत आमच्या खेळाडूंनी योजनाबद्ध खेळ केला. विजयामुळे खेळाडूंनी आत्मसंतुष्ट होऊ नये, याची खबरदारी घेतली आहे. जर आम्ही दुसर्‍या लढतीत विजय मिळवण्यात यशस्वी ठरलो तर आमचा उपांत्य फेरी गाठण्याचा मार्ग सुकर होईल.' गुप्ता टायगर्स संघाचे मालक कौस्तुभ गुप्ता म्हणाले,'स्पर्धेतील आव्हान कायम राखण्यासाठी संघातील खेळाडूंकडून चमकदार कामगिरीची अपेक्षा आहे.'

लायन्स-वॉरियर्स लढत गोलशून्यने बरोबरीत

गोल नोंदविण्यात दोन्ही संघ अपयशी

नागपूर । दि. १६ (क्रीडा प्रतिनिधी) लोकतमतर्फे आयोजित नागपूर प्रीमिअर लीग (एनपीएल) फुटबॉल स्पर्धेच्या दुसर्‍या पर्वात बुधवारी अभिजित लायन्स आणि सुनील हायटेक वॉरियर्स संघांदरम्यानची लढत गोलशून्यने बरोबरीत संपली. या निर्णयामुळे अभिजित लायन्सचा बाद फेरी गाठण्याचा मार्ग खडतर झाला आहे. यशवंत स्टेडियममध्ये खेळल्या गेलेल्या या लढतीत उभय संघांतर्फे बचावपटूंनी वर्चस्व गाजवले. नवोदित सुनील हायटेक वॉरियर्सने सुरुवातीपासून आक्रमक पवित्रा स्वीकारला. अभिजित लायन्स संघानेही तुल्यबळ लढत दिली. मध्यंतरापूर्वी उभय संघाला प्रतिस्पर्धी संघांच्या गोलक्षेत्रात मुसंडी मारण्यात अपयश आले. मध्यंतरानंतर सुनील हायटेक वॉरियर्सच्या खेळाडूंनी गोलची कोंडी फोडण्याचा प्रयत्न केला, पण त्यांना यश आले नाही. सामना संपायला काही मिनिटांचा अवधी शिल्लक असताना, सुनील हायटेक वॉरियर्सच्या नितीन वर्टीने चांगला प्रयत्न केला, पण चेंडू साईडबारला लागला. सुनील हायटेकचा स्टार खेळाडू प्रकाश थोरातला अभिजित लायन्सच्या बचावपटूंनी चढाई करण्याची संधी दिली नाही. उभय संघातील विदेशी खेळाडूंना आज लौकिकाला साजेशी कामगिरी करण्यात अपयश आले. सुनील हायटेक वॉरियर्स दुसर्‍या गटात अव्वल स्थानावर आहे. वॉरियर्सने दोन सामन्यात एक विजय व एक लढत अनिर्णीत राखत एकूण ४ गुणांची कमाई केली. अभिजित लायन्सचे दोन्ही सामने अनिर्णीत संपले. त्यांच्या खात्यावर २ गुण आहेत. बाद फेरीत स्थान मिळवण्यासाठी आता अभिजित लायन्सला उर्वरित दोन्ही सामन्यात चमकदार कामगिरी करावी लागणार आहे. अल्ताफउद्दीन अली (अभिजित लायन्स) आणि थोडाम मितेई (वॉरियर्स) सामन्यातील सवरेत्तम खेळाडू पुरस्काराचे मानकरी ठरले. त्याआधी डॉ. जसपाल अर्नेजा, डॉ. रामकृष्ण शेणॉय आणि डॉ. विलास डांगरे यांनी उभय संघातील खेळाडूंचा परिचय करून घेतला. ￭ लोकमत एनपीएल-२ मध्ये बुधवारी यशवंत स्टेडियमवर अभिजित लायन्स आणि सुनील हायटेक वॉरियर्स संघातील सामना गोलशून्यने बरोबरीत राहीला. सामन्यादरम्यान चेंडूवर नियंत्रण मिळविण्याच्या प्रयत्नात उभय संघातील खेळाडू.

सात्त्विक बुल्स पुन्हा पराभूत

￭ लोकमत एनपीएल-२ मध्ये बुधवारी झालेल्या पहिल्या सामन्यात चेंडूवर नियंत्रण मिळविण्यासाठी चढाओढ करताना सात्त्विक बुल्स आणि टीम ग्रेसचे खेळाडू.

नागपूर। दि.१६(क्रीडा प्रतिनिधी) टीम ग्रेसने आज गतविजेत्या सात्त्विक बुल्सचा २-१ ने पराभव करीत स्थानिक यशवंत स्टेडियमवर खेळल्या जात असलेल्या लोकमत एनपीएल-२ फुटबॉल स्पर्धेत शानदार विजयी सलामी दिली. पहिल्या सामन्यात सुनील हायटेक वॉरियर्सकडून पराभवाचा धक्का बसलेल्या अमोल ढाके यांच्या सात्त्विक संघाची आजच्या सलग दुसर्‍या पराभवामुळे स्पर्धेतील वाटचाल कठीण झाली आहे. टीम ग्रेसचा कर्णधार आकिब फरहाज आणि त्याचा परदेशी सहकारी मोर्गन जस्टिस यांनी प्रत्येकी एक गोल नोंदवित आपल्या संघाला विजयाच्या दारात नेऊन ठेवले. सामना सुरू झाला तेव्हा टीम ग्रेसविरुद्ध गोल होण्याची स्थिती निर्माण झाली होती तथापि प्रतिस्पर्धी संघातील झिशान अजहरच्या कॉर्नर पासवर सहकारी आदील अन्सारी याने मारलेला हेडर बचाव फळीतील अन्थोनी ठाकूर याने अलगद फेटाळून लावल्याने ग्रेसवरील संकट टळले. यानंतर मात्र १७ व्या मिनिटाला संधी मिळताच ग्रेसचा कर्णधार आकिब फरहाज याने देखणा गोल नोंदवित संघाला आघाडी मिळवून दिली. प्रतिस्पर्धी गोलजाळीत काही सेकंद गोंधळाची स्थिती निर्माण झाल्याचा लाभ घेत आकिबने चेंडू गोलजाळीत ढकलला. या यशानंतर ग्रेसचे खेळाडू आणखी उत्साहीपणे खेळले पण मोक्याच्या क्षणी ते अपयशी ठरत गेल्याने गोल नोंदविण्याच्या काही संधी त्यांना घालवाव्या लागल्या. या संघातील परदेशी खेळाडू फेलिक्स याने राशीद अन्सारीकडून हेडरवर मिळालेला पास गोलजाळीचा वेध घेत मारला खरा मात्र तो वरून निघून गेला तर फरहाज याला देखील एकदा गोलजाळीचा वेध घेण्यात अपयश आले. अशातच सात्त्विकने बरोबरीची संधी शोधली. ४५ व्या मिनिटाला या संघाचा मोईन कमाल याने एकट्याच्या बळावर पेनल्टी क्षेत्राच्या काही अंतरावरून चेंडू दामटत हा गोल केला. उत्तरार्धात ग्रेसच्या खेळाडूंनी खेळावर वर्चस्व गाजविले. सात्त्विकला देखील काही वेळा आघाडी घेण्याची संधी मिळाली होती. नेमेकाने दिलेल्या पासवर आदील अन्सारीने मारलेली किक गोलजाळीच्या वरून निघून गेल्याने त्यांना अपयश आले. अखेर ग्रेसनेच आघाडी घेण्याची संधी शोधली. कॉर्नर किकवर या संघाचा परदेशी खेळाडू जस्टिस याने हेडरद्वारे डोळ्यांचे पारणे फेडणारा गोल नोंदवित टीम ग्रेसचे फ्रान्चायसी प्रमुख शेखर जाधव यांच्या चेहर्‍यावर हास्य फुलविले. सामन्यात २-१ अशी आघाडी मिळविल्यानंतर ही आघाडी वाढविण्याच्या ग्रेसकडे आणखी संधी होत्या तथापि राशीद अन्सारीने दिलेल्या पासवर जस्टिसला गोल नोंदविण्यात अपयश आले. सामन्यातील अखेरच्या क्षणाला मात्र ग्रेसवर संकट ओढवले होते. या संघाचा गोलरक्षक सतीश कनोजिया याने सात्त्विकच्या आक्रमक फळीचा मारा अलगद थोपविल्याने हे संकट टळले. या सामन्यात चमकदार कामगिरी करणारा टीम ग्रेसचा आकिब फरहाज याला सवरेत्तम खेळाडूचा पुरस्कार मिळाला. पराभूत सात्त्विक बुल्सचा मोईन कमाल हा उत्कृष्ट खेळाडू ठरला. सामना सुरू होण्यापूर्वी अनुप पब्लिसिटी अँन्ड निकिता मीडिया सर्व्हिसचे व्यवस्थापक संचालक नवल राठी, प्रॉफिट अँडव्हर्टायझर्सचे संचालक नरेंद्र बोरटकर, लाईफटाईमचे व्यवस्थापक संचालक अलोक मंत्री, टीम ग्रेसचे फ्र ेन्चायसी प्रमुख शेखर जाधव, सात्त्विक बुल्सचे फ्रेन्चायसी प्रमुख अमोल ढाके, लोकमतचे संचालक (परिचालन) अशोक जैन यांनी दीप प्रज्वलन केले. पाहुण्यांच्या हस्ते नाणेफेक करण्यात आली. उभय संघातील खेळाडूंचा त्यांच्याशी परिचय करून देण्यात आला.

15 Nov 2011

मेघे युनायटेडचा हल्ला परतवून लावताना वात्सल्य रायडर्सचा गोलरक्षक आणि सहकारी खेळाडू

. नागपूर । दि. १५ (क्रीडा प्रतिनिधी) प्रफुल्ल गाडगे यांच्या मालकिच्या वात्सल्य रायडर्स संघाने आज मेघे युनायटेडचा ३-१ गोलने पराभव केला आणि लोकमततर्फे आयोजित नागपूर प्रीमिअर लीग (एनपीएल) फुटाबॉल स्पर्धेच्या दुसर्‍या पर्वात पहिला विजय नोंदवला. यशवंत स्टेडियममध्ये खेळल्या गेलेल्या या लढतीत मोहम्मद यासिन, राहुल बांते आणि झाहिद अन्सारी रायडर्सच्या विजयाचे शिल्पकार ठरले. त्यांनी या लढतीत प्रत्येकी एक गोल नोंदवला. पहिल्या सत्रात उभय संघांनी आक्रमक खेळ केला. दुसर्‍याच मिनिटाला वात्सल्यचा गोलरक्षक इम्रान खानने मेघे युनायटेडचा फारवर्ड इकबाल अहमदचे गोल करण्याचे प्रयत्न हाणून पाडले. त्यानंतर ११व्या मिनिटाला वात्सल्यच्या बाचावपटूने मेघेचा कराराद्ध खेळाडू फ्रान्सिस अडाचीचा हेडर परतवून लावला. १६व्या मिनिटाला वात्सल्य रायडर्सला खाते उघडण्यात यश आले. जम्मू-काश्मीरचा खेळाडू मोहम्मद यासिनने एकट्याने चढाई करताना चेंडूला गोलजाळ्याचा मार्ग दाखवला. गोल नोंदवल्याचा आनंद साजरा करताना कॉर्नर फ्लॅगला धक्का लावल्यामुळे त्याला पंचानी तंबी देताना पिवळे कार्ड दाखविले. त्यानंतर मेघे युनायटेडने २५व्या मिनिटाला नाट्यमयरित्या बारोबरी साधणारा गोल नोंदवला. मेघे युनायटेडचा अनुभवी फारवर्ड नावेद अख्तरने डाव्या ागलेतून चेंडूला गोलजाळ्याच्या दिशेने फटकावले. रायडर्स संघाचा गोलरक्षक इम्रान खान पुढे आल्यामुळे ाचावपटू निर्मल मुंडाने बचाव करण्याचा उत्कृष्ट प्रयत्न केला, पण चेंडूने गोलरेषा ओलांडली होती. मध्यांतरानंतर वात्सल्य रायडर्सने आक्रमक पवित्रा स्वीकारला. मेघे युनायटेड संघातील खेळाडू मात्र थकलेले भासत होते. ५१व्या मिनिटाला राहुल बांतेने स्टिव्हन मचाडोच्या पासवर गोल नोंदवत वात्सल्य रायडर्सला २-१ अशी आघाडी मिळवून दिली. त्यानंतर दोन मिनिटांनी झाहिद अन्सारीने चेंडूला गोलजाळ्याचा मार्ग दाखवत आघाडी वाढवली. रायडर्सला त्यानंतर दोनदा गोल नोंदवण्याची संधी होती, पण झाहिद अन्सारी आणि स्टिव्हन मचाडो यांना गोलजाळ्याचा वेध घेण्यात अपयश आले. रायसोनी अचिव्हर्सविरुद्ध बरोबरीवर समाधान मानावे लागलेल्या मेघे युनायटेड संघाला आज रायडर्सविरुद्ध पराभव स्वीकारावा लागयामुळे त्यांचा उपांत्य फेरीचा मार्ग खडतर झाला आहे. त्यांना साखळीतील उर्वरित दोन्ही लढतीत चमकदार कामगिरी करावी लागणार आहे.वात्सल्य रायडर्सचा मोहम्मद यासिन सामनावीर पुरस्काराचा मानकरी ठरला. त्याआधी, निशा हर्बलचे व्यवस्थापकिय संचालक डॉ.अनिल उपगडे आणि धरमपेठ महिला क्रेडिट कोऑपरेटिव्ह सोसायटीच्या उपाध्यक्षा निलिमा बावने यांची उभय संघातील खेळाडूंसोबत ओखळ करून देण्यात आली.

इंडियन्सकडून टायगरची शिकार

1

2

नागपूर। दि. १५ (क्रीडा प्रतिनिधी) लोकमततर्फे आयोजित नागपूर प्रीमिअर लीग (एनपीएल) फुटबॉल स्पर्धेत आज अविनाश भुतेंच्या ताजश्री इंडियन्सने गुप्ता टायगर्सचा २-१ ने पराभव केला. यशवंत स्टेडियममध्ये खेळल्या गेलेल्या या लढतीत ओझर व अमोल यादव ताजश्री इंडियन्सच्या विजयाचे शिल्पकार ठरले. ताजश्री इंडियन्सच्या विजयात त्यांच्या बचाव फळीचे योगदानही उल्लेखनीय ठरले. गुप्ता टायगर्सने अनेक चढाया केल्या, पण ताजश्री इंडियन्सच्या बचावपटूंनी त्यांचे गोल करण्याचे प्रयत्न हाणून पाडले. गुप्ता टायगर्ससाठी आजचा दिवस निराशाजनक ठरला. ताळमेळ साधण्यात अपयशी ठरलेल्या गुप्ता टायगर्सला प्रतिस्पर्धी संघाच्या गोलक्षेत्रात चढाई करताना समन्वय राखण्यात अपयश आले. उभय संघांनी सुरुवातीला आक्रमक खेळ केला, पण त्यांना गोलची कोंडी फोडण्यात अपयश आले. ताजश्री इंडियन्सचा गोलरक्षक नईम अन्सारीने गुप्ता टायगर्सचा विदेशी खेळाडू डेव्हिडने मारलेला जोरकस फटका उत्कृष्ट बचाव करीत अडवला. सुरुवातीला काही मिनिटांमध्ये उभय संघांनी प्रतिस्पध्र्यांच्या गोलक्षेत्रात वारंवार मुसंडी मारली. गुप्ता टायगर्सच्या खेळाडूने ताजश्री इंडियन्सच्या खेळाडूला नियमबाह्य पद्धतीने अडवल्यामुळे ताजश्री इंडियन्सला ३८ व्या मिनिटाला पेनल्टी बहाल करण्यात आली. ओझरने त्यावर गोल नोंदवण्यात कुठलीच चूक केली नाही. ४६ व्या मिनिटाला मिळालेल्या पेनल्टीवर डेव्हिडने गोल नोंदवत गुप्ता टागर्सला १-१ अशी बरोबरी साधून दिली. त्यानंतर ताजश्री इंडियन्सला आघाडी मिळवण्याची संधी होती, पण अमोल यादवला गोल जाळ्याचा वेध घेण्यात अपयश आले. मध्यंतरानंतर दोन मिनिटांनी ओझरच्या पासवर अमोल यादवने गोल नोंदवत ताजश्री इंडियन्सला २-१ अशी आघाडी मिळवून दिली. ताजश्री इंडियन्सला या लढतीत मोठय़ा फरकाने विजय मिळवण्याची संधी होती, पण ओझर, सोरेन आणि पटले यांना गोल नोंदवण्यात अपयश आले. विजेत्या संघाचा ओझर सामनावीर पुरस्काराचा मानकरी ठरला तर पराभूत संघातर्फे नितीन कोत्तुलवारची कामगिरी उल्लेखनीय ठरली. त्याआधी, करण कोठारी ज्वेलर्सचे संचालक ललित कोठारी, एलजी इलेक्ट्रॉनिक्सचे व्यवस्थापक (मार्केटिंग) आशुतोष अग्रवाल आणि अखिल भारतीय काँग्रेस कमिटीचे सचिव अनिस अहमद यांच्यासोबत उभय संघातील खेळाडूंची ओळख करून देण्यात आली. गुप्ता टायगर्सचा खेळाडू (लाल टी शर्ट) ताजश्री इंडियन्सच्या खेळाडूकडून चेंडू ताब्यात घेण्याचा प्रयत्न करताना. एनपीएल गुण तालिका गट-1 गट-2 वात्सल्य रायडर्स 1 1 0 0 3 3 1 ताजश्री इंडियन्स 1 1 0 0 3 2 1 रायसोनी अचिव्हर्स 1 0 0 1 1 1 1 मेघे युनायटेड 2 0 1 1 1 2 4 गुप्ता टायगर्स 1 0 1 0 0 1 2 संघ सामने विजय पराभव अनिर्णीत गुण गोल केले गोल झाले सुनील वॉरियर्स 1 1 0 0 3 2 0 अभिजीत लायन्स 1 0 0 1 1 2 2 बैद्यनाथ हीरोज 1 0 0 1 1 2 2 सात्त्विक बुल्स 1 0 1 0 0 0 2 टीम ग्रेस 0 0 0 0 0 0 0 संघ सामने विजय पराभव अनिर्णीत गुण गोल केले गोल झाले

सात्त्विक बुल्सला टीम ग्रेसचे आव्हान

सामन्याची वेळ सायंकाळी ५.३0 पासून

नागपूर । दि. १५ (क्रीडा प्रतिनिधी) लोकमततर्फे आयोजित नागपूर प्रीमिअर लीग (एनपीएल) फुटबॉल स्पर्धेच्या दुसर्‍या पर्वात साखळी फेरीपासून चढाओढ दिसून येत आहे. सलामीलाच धक्कादायक पराभव स्वीकारावा लागलेल्या गतविजेत्या सात्त्विक बुल्स संघाला साखळी फेरीत बुधवारी शेखर जाधव यांच्या मालिकीच्या टीम ग्रेसच्या आव्हानाला सामोरे जावे लागणार आहे. यशवंत स्टेडियममध्ये बुधवारी सायंकाळी ५.३0 वाजता ही लढत खेळली जाणार आहे. पदार्पणाच्या स्पर्धेत जेतेपदाला गवसणी घालणार्‍या सात्त्विक बुल्स संघाला दुसर्‍या पर्वात पहिल्या लढतीत नवोदित सुनील हायटेक वॉरियर्स संघाकडून पराभवाचा तडाखा सहन करावा लागला. सुरुवातीलाच बसलेल्या या धक्क्यातून सावरत सात्त्विक बुल्सपुढे टीम ग्रेसविरुद्धच्या लढतीत लौकिकाला साजेशी कामगिरी करण्याचे आव्हान आहे. सलामी लढतीत पराभव स्वीकारावा लागल्यानंतर प्रतिक्रिया देताना सात्त्विक बुल्सचे प्रशिक्षक व माजी आंतरराष्ट्रीय खेळाडू अब्दुल खलिक म्हणाले की, 'पराभवासाठी खेळाडूंना दोषी ठरवणे चुकीचे आहे. आमच्या खेळाडूंनी चांगला खेळ केला. जय आणि पराजय हा खेळाचा एक भाग आहे. उर्वरित सामन्यात संघाची कामगिरी उल्लेखनीय ठरेल.' टीम ग्रेसविरुद्धच्या लढतीत खलिक यांना संघाकडून चमकदार कामगिरीची आशा आहे. सुरुवात जरी चांगली झाली नसली तरी शेवट मात्र गोड होईल, असा खलिक यांना विश्‍वास आहे. त्याचसोबत अनुभवी प्रशिक्षक आत्माराम पांडे यांचे मार्गदर्शनही सात्त्विक बुल्स संघासाठी मोलाचे ठरेल, अशी आशा आहे. दुसर्‍या बाजूचा विचार करता 'टीम ग्रेस' स्पर्धेत विजयी सलामी देण्यास उत्सुक आहे. पहिल्या पर्वात टीम ग्रेस संघाला चौथ्या स्थानावर समाधान मानावे लागले होते.

वॉरियर्स-लायन्स 'आमने-सामने'

सामन्याची वेळ रात्री ८ वाजेपासून

नागपूर । दि. १५ (क्रीडा प्रतिनिधी) गतविजेत्या सात्त्विक बुल्सविरुद्ध विजय मिळवत नागपूर प्रीमिअर लीग (एनपीएल) फुटबॉल स्पर्धेच्या दुसर्‍या पर्वात सहभागी अन्य प्रतिस्पध्र्यांना दखल घेण्यास भाग पाडणार्‍या सुनील हायटेक वॉरियर्स संघाला बुधवारी अभिजित लायन्सच्या आव्हानाला सामोरे जावे लागणार आहे. लोकमततर्फे आयोजित एनपीएलच्या दुसर्‍या पर्वात यशवंत स्टेडियममध्ये बुधवारी रात्री ८ वाजता उभय संघांदरम्यानची लढत रंगतदार होण्याचे संकेत मिळत आहे. स्पर्धेत प्रथमच सहभागी झालेल्या वॉरियर्सने गतविजेत्यांचा पराभव करीत सर्वांना आश्‍चर्याचा धक्का दिला. सुनील हायटेक वॉरियर्स संघाच्या विजयात स्ट्रायकर प्रकाश थोरातचे योगदान उल्लेखनीय ठरले. वॉरियर्सने सलग दुसर्‍या लढतीत विजय मिळवला तर त्यांचा उपांत्य फेरीचा मार्ग सुकर होण्यास मदत होईल. थोरातव्यतिरिक्त वॉरियर्स संघाला तीन विदेशी व्यावसायिक खेळाडूंकडून चमकदार कामगिरीची आशा आहे. मीटेई, अबिओडून कोलाव्होले मार्टिन्स आणि बद्रू इब्राहिम केके या तीन विदेशी खेळाडूंना वॉरियर्स संघाने करारबद्ध केले आहे. पहिल्या लढतीतील कामगिरीनंतर संघाचा कर्णधार रवींद्र कनोजिया म्हणला,'पहिल्याच लढतीत विजय मिळवल्यामुळे संघातील खेळाडूंचे मनोधैर्य उंचावलेले आहे. लायन्सविरुद्ध विजय मिळवला तर आमचा उपांत्य फेरीचा मार्ग सुकर होईल.' दुसर्‍या बाजूचा विचार करता अभिजित लायन्सला पहिल्या लढतीत गुणांचे खाते उघडता आले. गतउपविजेत्या बैद्यनाथ हिरोजविरुद्धच्या लढतीत त्यांना २-२ ने बरोबरीवर समाधान मानावे लागले. हिरोज संघाला शेवटच्या क्षणी पेनल्टी बहाल करण्याची केलेली चूक त्यांच्या अंगलट आली. लायन्स संघातील करारबद्ध विदेशी खेळाडू टोयो मायकल, कोलिन्स चिड पायस, मायकल नव्होकव्हू आणि गोलकिपर ओवेस खान यांची हिरोजविरुद्धच्या लढतीत त्यांची कामगिरी उल्लेखनीय ठरली. यांच्या व्यतिरिक्त संघव्यवस्थापनाला कैलाश पारधी आणि मोहम्मद शाबाब यांच्याकडून चांगल्या कामगिरीची आशा आहे.

13 Nov 2011

एनपीएल-२ चा दिमाखदार प्रारंभ

लेझर शो, फटका शो, आफ्रिकन बँडच्या सादरीकरणाने प्रेक्षक मंत्रमुग्ध, एनपीएल 'नॅशनल लीग' बनेल- बालाजी राव

नागपूर। दि. १३ (क्रीडा प्रतिनिधी) पहिल्या पर्वात इतिहास निर्माण करणार्‍या फ्रॅन्चायसीवर आधारित नागपूर प्रीमिअर लीग (एनपीएल) फुटबॉल स्पर्धेच्या दुसर्‍या पर्वाचा स्थानिक यशवंत स्टेडियमवर भरगच्च प्रेक्षकांच्या साक्षीने आज शानदार समारंभात प्रारंभ झाला. अर्थात 'किक ऑफ' झाला. एनपीएलच्या पहिल्या पर्वाला नागपूरकरांनी दिलेल्या उत्स्फूर्त प्रतिसादाची झलक आजही अनुभवायला मिळाली. स्टेडियमचे चारही कोपरे प्रेक्षकांनी 'ज्ॉम पॅक' होते. सोबतीला डोळ्यांचे पारणे फेडणारा विविधरंगी लेझर शो, आसमंत उजळून टाकणारा भव्य फटाका शो आणि द. आफ्रिकन ड्रमच्या तालावर सादर झालेला वाद्यवृंद या मनोरंजनाच्या मेजवानीसह दिमाखदार सोहळा अविस्मरणीय ठरला. यशवंत स्टेडियमवर उपस्थित विक्रमी गर्दीने या शानदार समारंभाला वारंवार टाळ्यांचा कडकडाट करीत दिलखुलास दाद दिली. उद््घाटन सोहळ्याचे मुख्य अतिथी वेंकीज इंडिया लिमिटेडचे व्यवस्थापकीय संचालक तसेच यूकेतील प्रतिष्ठेच्या ब्लॅकबर्न रोव्हर्स क्लबचे मालक बालाजी राव हे होते. कान्सुल जनरल ऑफ रिपब्लिक ऑफ रवांडा आणि इन्स्पिरा ग्रुपचे चेअरमन प्रकाश जैन हे प्रमुख पाहुणे होते. या वेळी जैन यांच्या पत्नी मंजू जैन, लोकमत मीडिया लिमिटेडचे चेअरमन खा. विजय दर्डा, मुंबईचे प्रसिद्ध डेव्हलपर्स सुभाष रुणवाल, रोजगार हमी योजना मंत्री नितीन राऊत, खासदार दत्ता मेघे, विकास कुंभारे, कृष्णा खोपडे, एस. क्यू. जामा, महापौर अर्चना डेहनकर, उपमहापौर शेखर सावरबांधे, मनपा आयुक्त संजीव जैस्वाल, नासुप्र चेअरमन प्रवीण दराडे, जिल्हाधिकारी सौरभ राव, पोलीस आयुक्त अंकुश धनविजय, राष्ट्रसंत तुकडोजी महाराज नागपूर विद्यापीठाचे कुलगुरू डॉ. विलास सपकाळ, उद्योगपती पद्मेश गुप्ता आणि रायसोनी ग्रुपचे चेअरमन सुनील रायसोनी, लोकमत नागपूरचे संचालक (ऑपरेशन) अशोक जैन यांची व्यासपीठावर उपस्थिती होती. आ. देवेंद्र फडणवीस आणि मनपा स्थायी समिती अध्यक्ष संदीप जोशी यांनीही स्पर्धेला भेट दिली. या वेळी छोटेखानी भाषणात बालाजी राव म्हणाले, ''मी एनपीएलच्या लोकप्रियतेबाबत ऐकले आहे. ही स्पर्धा भविष्यात आणखी लोकप्रिय होईल, अशी मला आशा आहे. एनपीएल भविष्यात नॅशनल लीग बनेल याबद्दल माझ्या मनात शंका नाही.'' जैन यांनीदेखील एनपीएलचे कौतुक करीत नागपूरकरांना शुभेच्छा दिल्या. ते म्हणाले, ''या स्पर्धेचे हे दुसरे वर्ष असले तरी लोकांचा उत्साह आणि जल्लोष पाहून दहा वर्षे जुनी असल्याची खात्री पटते. लोकमतचे हे उत्कृष्ट कार्य प्रशंसनीय असून ही स्पर्धा यशाची नवी उंची गाठेल.'' खा. विजय दर्डा यांनी बालाजी राव आणि प्रकाश जैन तसेच सुभाष रुणवाल यांचे पुष्पगुच्छ आणि स्मृतिचिन्ह देऊन स्वागत केले. अन्य अतिथींचे स्वागत निलेशसिंग, आशिष जैन आणि आसमना सेठ यांनी पुष्पगुच्छ देऊन केले. एनपीएलच्या पहिल्या सत्रावर काढण्यात आलेल्या कॉफी टेबल बुकचे प्रकाशन बालाजी राव यांच्या हस्ते करण्यात आले. स्पर्धेचा शुभंकर गोलू व्यासपीठावर येताच बालाजी राव यांनी पुष्पगुच्छ देऊन त्याचे स्वागत केले. तत्पूर्वी, दीप प्रज्वलनाद्वारे सोहळ्याची सुरुवात झाली. पाहुण्यांनी एनपीएल ध्वजारोहण केल्यानंतर लोकमतचे संस्थापक जवाहरलाल दर्डा ' बाबूजी' यांच्या प्रतिमेला पुष्प अर्पण करून श्रद्धांजली वाहिली. यानंतर सहभागी सर्व दहा संघांतील खेळाडूंनी एनडीएफए तसेच लोकमतच्या चमूसह मैदानात पथसंचलन करीत चाहत्यांना अभिवादन केले. सर्व अतिथींनी मैदानाच्या मध्यभागी येऊन हवेत फुगे सोडले आणि स्पर्धा सुरू होत असल्याची घोषणा झाली. लोकमत नागपूरचे महाव्यवस्थापक नीलेश सिंग यांनी प्रास्ताविक केले. या वेळी नागपूर जिल्हा फुटबॉल संघटनेचे उपाध्यक्ष हरेश व्होरा यांनी मनोगत व्यक्त केले. संचालन डॉ. राम ठाकूर यांनी केले. मेघे युनायटेडने रायसोनी अचिव्हर्सला रोखले सामना १-१ ने ड्रॉ नागपूर । दि. १३ (क्रीडा प्रतिनिधी) लोकमततर्फे आयोजित नागपूर प्रीमिअर लीग (एनपीएल) फुटबॉल स्पर्धेच्या दुसर्‍या पर्वात आज शेवटच्या क्षणापर्यंत रंगतदार ठरलेली सलामी लढत अखेर अनिर्णीत संपली. रविवारी खेळल्या गेलेल्या लढतीत मेघे युनायटेडने अनुभवी रायसोनी अचिव्हर्सला १-१ गोलने बरोबरीत रोखण्याचा पराक्रम केला. मेघे युनायटेडतर्फे नावेद अख्तरने मध्यंतरानंतर बरोबरी साधणारा गोल नोंदवला. यशवंत स्टेडियममध्ये उभय संघांदरम्यान खेळल्या गेलेली ही लढत अखेरच्या क्षणापर्यंत रंगतदार ठरली. रायसोनी अचिव्हर्सतर्फे ४0 व्या मिनिटाला रवी अर्खेलने तर मेघे युनायटेडतर्फे ६७ व्या मिनिटाला नावेद अख्तरने गोल नोंदवले. सुरुवातीला मेघे युनायटेडने वर्चस्व गाजवल्यानंतर रायसोनी अचिव्हर्स संघाने चांगल्या चाली रचत तुल्यबळ लढत दिली. रायसोनी अचिव्हर्सतर्फे व्यावसायिक खेळाडू टॅन्को अबुबाक्केरला ११ व्या मिनिटाला गोल नोंदवण्याची नामी संधी होती, पण मेघे युनायटेडचा गोलरक्षक मिहीर सावंतने त्याचे गोल करण्याचे प्रयत्न हाणून पाडले. रायसोनी संघाला पुन्हा एकदा २२ व्या मिनिटाला गोल नोंदवण्याची संधी होती. टॅन्कोने मेघे संघाच्या तीन बचावपटूंना गुंगारा देत गोलक्षेत्रावर चढाई केली, पण पुन्हा एकदा सावंतने चांगला बचाव केला. दोन प्रयत्नात अपयशी ठरलेल्या रायसोनी संघाने ४0 व्या मिनिटाला खाते उघडले. रवी अर्खेलने डाव्या बगलेतून चेंडूला गोलजाळ्याचा मार्ग दाखवत स्पर्धेतील पहिला गोल नोंदवला. मध्यंतराला खेळ थांबला त्यावेळी रायसोनी अचिव्हर्स संघ १-0 गोलने आघाडीवर होता. मध्यंतरानंतर मेघे युनायटेडने वर्चस्व गाजवले. फॉरवर्ड नावेद अख्तरने दिलेल्या पासवर अझर शेखला गोल नोंदवण्यात अपयश आले. त्यानंतर पाच मिनिटांनी रायसोनी अचिव्हर्सला गोल नोंदवण्याची संधी होती, पण अब्दुल जाफरला गोल जाळ्याचा वेध घेण्यात अपयश आले. ६७ व्या मिनिटाला मेघे युनायटेड संघाला यशाची चव चाखता आली. अझर शेखने चांगली चढाई करताना गोलजाळ्याच्या दिशेने मारलेला चेंडू साईड बारला लागला. त्यावर मिळालेल्या संधीचा अचूक लाभ घेत नावेद अख्तरने चेंडूला गोल जाळ्याचा मार्ग दाखवत मेघे युनायटेडला बरोबरी साधून दिली. आघाडी गमावल्यामुळे दडपणाखाली आलेल्या रायसोनी अचिव्हर्स संघाचा व्यावसायिक खेळाडू अनेटिव्ह बांग्वाने नियमबाह्य पद्धतीने मेघे युनायटेडच्या खेळाडूला रोखले. त्यामुळे त्याला पंचानी रेड कार्ड दिले. शेवटच्या क्षणी उभय संघांनी गोल नोंदवण्यासाठी चांगल्या चाली रचल्या, पण त्यांना यश आले नाही. रवी अर्खेल (रायसोनी अचिव्हर्स) आणि नावेद अख्तर (मेघे युनायटेड) संयुक्तपणे सामनावीर पुरस्काराचे मानकरी ठरले.

लायन्स- हिरोज सज्ज

वेळ : सायं. ५.३0 वाजता

नागपूर । दि. १३ (क्रीडा प्रतिनिधी) रविवारी शानदार उद््घाटन सोहळ्याने प्रारंभ झालेल्या लोकमततर्फे आयोजित नागपूर प्रीमिअर लीग (एनपीएल) फुटबॉल स्पर्धेच्या दुसर्‍या पर्वात सोमवारी गत उपविजेत्या बैद्यनाथ हिरोजपुढे अभिजित लायन्स संघाचे आव्हान राहणार आहे. चमकदार कामगिरी करीत एनपीएलच्या पहिल्या पर्वात उपांत्य फेरीत धडक मारणार्‍या उभय संघांदरम्यान यशवंत स्टेडियममध्ये खेळल्या जाणार्‍या लढतीच्या निमित्ताने चाहत्यांना रंगतदार खेळ बघण्याची संधी मिळणार आहे. 'कदम कदम बढाये जा' चा जयघोष करीत उभय संघ दुसर्‍या पर्वात चमकदार कामगिरी करण्यास सज्ज झाले आहे. गेल्या वेळी विजेतेपद पटकावण्याचे स्वप्न साकार करण्यात अपयशी ठरलेल्या सिद्धार्थ शर्मा यांच्या बैद्यनाथ हिरोजला यावेळी जेतेपदाला गवसणी घालण्याचा विश्‍वास आहे. अभिजित लायन्सला पहिल्या पर्वात तिसर्‍या स्थानावर समाधान मानावे लागले होते. 'नवे वर्ष नवी आशा' यशाचा मंत्र असल्याचे मानत अभिजित लायन्स संघही गतउपविजेत्या संघाचे आव्हान पेलण्यास सज्ज झाला आहे. पहिले पाऊल अचूक पडले तर त्यानंतरची वाटचाल योग्य दिशेने होते. उभय संघांना त्याची चांगली कल्पना आहे. उद्याच्या लढतीत विजय मिळवत स्पर्धेत विजयी सुरुवात करण्यास उभय संघ प्रयत्नशील आहेत. मनोज जैस्वाल यांचा अभिजित लायन्स संघ विजयी सलामी देण्यास उत्सुक आहे तर बैद्यनाथ हिरोज संघही लौकिकाला साजेशी कामगिरी करण्याच्या निर्धाराने मैदानात उतरणार आहे. फुटबॉल हा सांघिक खेळ असून मैदानावर प्रत्येकाची कामगिरी कशी होते, यावरच संघाचे यश अवलंबून असते. त्यामुळे सोमवारी उभय संघांदरम्यान खेळल्या जाणार्‍या लढतीच्या निमित्ताने चुरशीचा खेळ बघायला मिळणार आहे. अभिजित लायन्सने यावेळी विदेशी प्रशिक्षक ह्युज किम लेव्हिस यांना करारबद्ध केले आहे. विदेशी प्रशिक्षकाचा फॉर्म्युला कितपत यशस्वी ठरतो, हे येणार्‍या कालावधीत स्पष्ट होईलच. सराव सामन्यात भिलाई ब्रदर्सचा ३-0 ने पराभव केल्यामुळे अभिजित लायन्स संघाचे मनोधैर्य उंचावलेले आहे. वेळ : सायं. ५.३0 वाजता

सात्विकपुढे वॉरियर्सचे आव्हान

नागपूर । दि. १३ (क्रीडा प्रतिनिधी) एनपीएलच्या पहिल्या पर्वात जेतेपदाला गवसणी घालणार्‍या गतविजेत्या सात्विक बुल्सला स्पर्धेत प्रथमच सहभागी होत असलेल्या सुनील गुट्टे यांच्या सुनील हायटेक वॉरियर्स संघाच्या आव्हानाला सामोरे जावे लागणार आहे. लोकमततर्फे आयोजित नागपूर प्रीमिअर लीग (एनपीएल) फुटबॉल स्पर्धेच्या दुसर्‍या पर्वात उभय संघादरम्यान सोमवारी रात्री ८ वाजता झुंज रंगणार आहे. एनपीएलच्या पहिल्या पर्वातील विजेत्या सात्विक बुल्सचे मनोधैर्य उंचावलेले आहे, पण ते प्रतिस्पर्धी संघाला कमी लेखण्याची चूक करणार नाहीत. परिसस्पर्श लाभलेले प्रशिक्षक आत्माराम पांडे म्हणाले, 'सराव सत्रात आमच्या खेळाडूंनी कसून मेहनत घेतली आहे. या स्पर्धेत विजयाने सुरुवात करण्यास आम्ही उत्सुक आहोत. प्रतिस्पर्धी संघाबाबत आम्हाला विशेष माहिती नाही, पण आम्ही त्यांना कमी लेखण्याची चूक करणार नाही. नैसर्गिक खेळ करण्यावर आमचा भर राहील.' आमच्या संघात तीन नायजेरियन खेळाडूंना संधी देण्यात आली आहे. या तीन व्यावसायिक खेळाडूंकडून चमकदार कामगिरीची आशा आहे. ४-४-२ च्या रणनितीने खेळणार असल्याचे पांडे यांनी यावेळी स्पष्ट केले. माजी आंतरराष्ट्रीय खेळाडू इर्शात कमाल प्रशिक्षक असलेल्या सुनील हायटेक वॉरियर्स संघाला सलामी लढतीतच गतविजेत्या संघाच्या आव्हानाला सामोरे जावे लागणार आहे. कमाल म्हणाला 'सराव सत्रात प्रत्येक खेळाडू फॉर्मात असल्याचे दिसून आले. दिग्गज प्रतिस्पध्र्याविरुद्ध चमकदार कामगिरी करण्याचे खेळाडूंवर दडपण आहे, पण आमचे खेळाडू त्यासाठी सज्ज आहेत.' वेळ : सायं. ८.00 वाजता

13 Nov 2011

नागपूर। दि. १२ (क्रीडा प्रतिनिधी)
लोकमत मीडिया लिमिटेडतर्फे आयोजित नागपूर प्रीमिअर लीग (एनपीएल) फुटबॉल स्पर्धेच्या दुसर्‍या पर्वाचा थरार चाहत्यांना रविवारपासून (दि. १३) अनुभवता येणार आहे.
विद्युतझोतात खेळल्या जाणार्‍या या स्पर्धेतील लढती यशवंत स्टेडियममध्ये रंगतील. १५ दिवस कालावधीच्या या स्पर्धेत १0 संघ जेतेपदासाठी झुंज देतील.रविवारी सायंकाळी ५.३0 वाजता स्पर्धेचे उद्घाटन होईल. मेघे युनायटेड आणि रायसोनी अचिव्हर्स संघांदरम्यान सलामीची लढत रंगणार आहे, अशी माहिती लोकमत मीडिया लिमिटेडचे चेअरमन व राज्यसभा सदस्य विजय दर्डा यांनी आज पत्रकार परिषदेत दिली.

Ervin, Rizwan, Jahid most expensive

Lokmat news service Nagpur, Oct 20

Icon player of the last year"s runners-up team Baidyanath Heroes Ervin George, talented midfielders Mohammed Rizwan and Jahid Akhtar Ansari were sold out with highest 230 points during an auction organised for the second edition of the unique franchise based football tournament Nagpur Premier League (NPL-2011) at a glittering function held at Hotel Centre Point here on Thursday. All the 10 franchise owners, players, office-bearers of the Nagpur District Football Association and fans were present during the function. Spell-binding performances by the Fictitious Group, the winners of the first edition of India"s Got Talent, cat walk by beautiful models and NPL-2011 mascot "Golu" were the main attractions of this impressive function. The action-packed NPL-2 will be played by the 10 teams at Yashwant Stadium here from November 13 to November 27. The co-sponsors of the tournament and one of the franchise Gupta Tigers purchased Ervin with highest bidding prize. Rizwan and Jahid too were sold out with similar points. Though the franchise owners were bidding very cautiously and carefully, all of them wanted Ervin, Rizwan and Jahid in their teams, giving the bidding an interesting twist for some time. All three of them were sold for bids which exceeded the prices fixed for the icon players. Like in case of Ervin, Rizwan and Jahid, the franchise owners contested very keenly for Imran-ur-Rahman too. Finally, the Team Grace purchased Imran with 180 points. Imran thus turnd out to be the player sold for second highest bid. Thodmatran Mitai, Tabrez Zunaidi and Aziz Qureshi (all 170 points) emerged players sold for third highest points followed by Mohammad Ayaz Ansari with 160 points. Earlier, the programme began with lightning of traditional lamp at the hands of director (operations) of Lokmat Media Limited Ashok Jain and franchise owners of the tournament. A wreath was placed at the portrait of founder of Lokmat Media Limited and freedom fighter Jawaharlal Darda, fondly called Babuji. At the outset, Ashok Jain presented the schedule of NPL-2011 and also felicitated the franchise owners together with the general manager (Nagpur) Nilesh Singh. During the bidding process they were seen very much busy in the calculations with the help of modern gadgets like laptops, calculators etc. The glittering trophy of Lokmat-NPL-2011 was also unveiled by the dignitaries at this function. The logo, flag and the uniform of the 10 participating teams were also unveiled on the occasion. Two new teams Meghe United and Sunil Hightech Warriors participating for the first time in the tournament, were also welcomed. It may be mentioned here that with an aim to promote the beautiful game of football and provide a platform to the local players, the Lokmat Media Limited has joined hands with the leading industrial groups and NDFA to conduct the second edition of Lokmat-NPL-2011 from November 13. Nilesh Singh and assistant general manager Asman Seth conducted the proceedings. 1- Models waving flags of participating teams during the ceremony held for auction of players. 2- Spell-binding performances by the Fictitious Group, the winners of the first edition of India"s Got Talent (Bottom left). 3- Mascot of second edition of Nagpur Premier League 'Golu' was unveiled during the auction, it grabs the attention of audience. 13 Nov 2011 Lokmat NPL Session II football 2011 teams:-